Z. Artan Mehmeti është ekonomist me përvojë dhe ekspert në menaxhimin e financave publike me fokus të veçanë në përmirësimin e klimës së investimeve dhe promovimin e dialogut publik-privat. Aktualisht, si drejtues i Sekretariatit, fasiliton diskutimet ndër-sektoriale dhe avokon rekomandimet politike me qëllim përmirësimin e mjedisit të biznesit në Kosovë. Më parë z. Mehmeti ka qenë Attaché Tregtar i Kosovës në Belgjikë nga viti 2013 - 2014, dhe ka kryer role të tjera që i kanë lejuar të specializohet në politikat fiskale, incentivat për investime dhe transformimi digjital. Ai ka punuar me organizata ndërkombëtare si Banka Botërore, Programi i Kombeve të Bashkuara për Zhvillim dhe në projekte të USAID-it.

Festa Stavileci është Eksperte Ligjore në Sekretariatin e Këshillit Kombëtar për Ekonomi dhe Investime, ku ofron analiza ligjore dhe bashkëpunon ngushtë me institucionet publike dhe komunitetin e biznesit për të adresuar sfidat rregullative. Më parë, ka punuar si bashkëpunëtore ligjore në një shoqëri avokatësh në Kosovë, me fokus kryesor të drejtën biznesore dhe tregtare. Përvoja e saj përfshin gjithashtu praktika në Njësinë e Mbrojtjes së Konsumatorëve në NYLAG – New York, ku ka asistuar në ristrukturimin e marrëveshjeve kreditore në SHBA, si dhe një organizatë tjetër ndërkombëtare me prezencë në Kosovë.

Ajo është angazhuar në projekte të ndryshme kombëtare dhe ndërkombëtare, përfshirë konferenca dhe trajnime mbi të drejtat e njeriut dhe sundimin e ligjit. Festa ka përfunduar studimet për drejtësi në Universitetin e Prishtinës dhe ka marrë titullin Master në Drejtësi (LL.M.) në Duke University, SHBA, me specializim në të drejtën biznesore.

Si Ekspert për Çështje Ekonomike në Sekretariat, Z. Dema ndihmon Drejtuesin e Sekretariatit në identifikimin e sfidave ekonomike përmes anketimeve të bizneseve dhe analizave tjera të nevojshme. Ai gjithashtu mirëmban bazat e të dhënave me barrierat  e sektorit privat, monitoron zbatimin e rekomandimeve nga institucionet publike dhe zhvillon platforma interaktive për analizimin e të dhënave ekonomike. Ai ka përfunduar studimet master në Zhvillim Ekonomik dhe Analizë të Politikave në Universitetin e Nottingham-it në Mbretërinë e Bashkuar. Ai gjithashtu ka ndjekur trajnim të specializuar në makroekonomi dhe analizë të të dhënave. Në të kaluarën z. Dema ka shërbyer si Hulumtues në Institutin Riinvest dhe si Analist i Politikave Ekonomike në Ministrinë e Financave, Punës dhe Transfereve në Kosovë.

Znj. Fejzullahu iu bashkua Sekretariatit në janar 2024. Ka kryer studimet për Menaxhim dhe Ekonomi në Universiteti për Biznes dhe Teknologji në Prishtinë/Kosovë. Aktualisht është në përfundim te studimeve për Gjuhën dhe Letërsinë Angleze në Universitetin e Prishtinës. Me një gamë të gjerë përvojash profesionale në organizata ndërkombëtare, si në Kosovë ashtu edhe jashtë saj, znj. Fejzullahu ka marrë përsipër role të shumta, përfshirë interpretues, pjesë e stafit administrativ dhe specialiste financiare për projekte dhe misione të ndryshme ndërkombëtare ne vënd dhe jashtë vëndit.