Më 18 shkurt 2026, Sekretariati i Këshillit Kombëtar për Ekonomi dhe Investime organizoi një takim me përfaqësues të instucioneve publike, odave ekonomike dhe bizneseve private, ku u diskutuan sfidat që hasin bizneset në procedurën e qiramarrjes së pronës publike. Edhe pse më të prekura janë bizneset e sektorit minerar, ndikimi shtrihet te secili biznes që për operim, i nevojitet shfrytëzimi i pronës publike.
Gjatë diskutimit u identifikuan pengesa konkrete në disa hallka të procesit – nga paqartësitë ligjore dhe mungesa e koordinimit institucional, deri te interpretimet e ndryshme të legjislacionit.
Takimi shërbeu si hap i rëndësishëm drejt adresimit të këtyre cështjeve, duke sjellë përvoja nga praktika dhe rekomandime konkrete, me synim përmirësimin e klimës së biznesit dhe nxitjen e investimeve.
Për fund, pjesëmarrësit u pajtuan njëzëri për nevojën për harmonizim të kornizës ligjore që rregullon shfrytëzimin e pronës publike, që procedurat të bëhen më të qarta, më efikase dhe më të parashikueshme për bizneset. Institucionet përgjegjëse publike u zotuan ta trajtojnë këtë cështje me prioritet dhe të bashkëpunojnë për përmirësimin e situatës.
Shpërndaj
Zyra e Kryeminisrit
