U mbajt takimi i tretë i Këshillit Kombëtar për Ekonomi dhe Investime

U mbajt takimi i tretë i KKEI-së me pjesëmarrjen e një grupi të larmishëm përfaqësuesish nga sektori publik dhe privat ku u  mundësuan diskutime produktive mbi sfidat kryesore me të cilat përballet komuniteti biznesor.

U mirëpritën përpjekjet e vazhdueshme nga të dyja palët, qeveria dhe sektori privat, për të bashkëpunuar më ngushtë dhe për të arritur rezultate efektive.

Pikat kryesore që u diskutuan në takimin ishin:

1. Përditësimi mbi krijimin e Agjencisë së Investimeve dhe Eksportit dhe Agjencisë për Inovacionin dhe Mbështetje ndaj Ndërmarrjeve në Republikën e Kosovës

2. Sfidat dhe rekomandimet në lidhje me qasjën e biznesit në rrjetin elektrik

3. Propozimi për mbështetje qeveritare për bizneset e reja dhe ato ekzistuese

Të dy përfaqësuesit, ata të sektorit publik dhe ata te sektorit privat ndanë perspektivën pozitive për të punuar së bashku në mënyrë që të forcohet e ardhmja ekonomike e Kosovës.