Më 11 dhjetor, u mbajt diskuti mbi zbatimin e Ligjit nr. 08/L-125 për Pronën Publike, që u fokusua në ndryshimet kyçe të sjella nga ky ligj dhe sfidat në zbatimin e tij.
Forumi mblodhi përfaqësues nga Zyra e Kryeministrit, ministritë përkatëse, agjencitë publike, dhomat e ekonomisë, bizneset private, ekspertët e fushës dhe partnerët ndërkombëtarë. Diskutimi u përqendrua kryesisht në çështjet që lidhen me dhënien me qira të pasurisë publike dhe ndikimin specifik të ligjit në sektorin e minierave.
Pjesëmarrësit theksuan nevojën për udhëzime të qarta për kompetencat institucionale për dhënien me qira të pronës publike dhe trajtuan pengesat praktike me të cilat përballen bizneset nën kornizën e re ligjore. U ndanë propozime për mundësimin e zbatimit, të cilat do t’i dërgohen vendimmarrësve përkatës për veprim.
Sekretariati mbetet i angazhuar për të prioritarizuar këtë çështje në bashkëpunim me palët e interesuara, për të krijuar një klimë më të favorshme biznesi. Ne shprehim falënderimet tona për të gjithë pjesëmarrësit për kontributin e tyre të vlefshëm në dialog.
Shpërndaj
Zyra e Kryeminisrit
