Me 21 prill 2026, Sekretariati mbajti takimin e rregullt të Këshillit Kombëtar për Ekonomi dhe Investime, i cili u zhvillua me sukses dhe në një frymë konstruktive.
Gjatë takimit u diskutuan çështje me rëndësi për përmirësimin e klimës së të bërit biznes dhe investimeve në Kosovë, përfshirë sfidat dhe rekomandimet lidhur me legjislacionin për shfrytëzimin e pronës publike, si dhe njohjen e humbjeve të produkteve bujqësore dhe ushqimore për qëllime tatimore.
Është veçanërisht inkurajuese që në takim u shpreh përkushtim për të vazhduar punën drejt adresimit të të dyja këtyre çështjeve, të ngritura vazhdimisht nga sektori privat si të rëndësishme për një mjedis më të favorshëm për zhvillim ekonomik dhe investime.
Përveç këtyre temave, u diskutuan edhe çështje të tjera me interes për sektorin privat, duke e bërë këtë mbledhje një hap tjetër të rëndësishëm në forcimin e dialogut publiko-privat dhe në orientimin e diskutimeve drejt zgjidhjeve konkrete. Faleminderit të gjithë pjesëmarrësve për kontributin, diskutimin e hapur dhe angazhimin e treguar.
Shpërndaj
Zyra e Kryeminisrit
